Tinan Fiar Nian

 dom basilio do nascimento
 
Reverendos Párocos
Na’i Lúlik Sira hotu
Comunidades Religiosas
Sarani doben tomak Diocese Baucau nian

 

Religião hot-hotu sai nu’udar dalan nebe’e ita ema hetan no tuir atu ba hasoru malu ho Na’i Maromak. Bíblia haktuir iha livro Génesis katak Na’i Maromak halo ema, feto no mane, nu’udar nia ilas no sala original maka halakon tiha condição ne’e iha ita ema nia moris. Santo Agostinho sei dehan ho nia matenek tomak “Na’i, Ita Bo’ot halo ami moris ba Ita Bo’ot no ami fuan sei la hakmatek wainhira ladauk hatu’ur an fali iha Ita Boot”.

Na’i Jesus Cristo, nu’udar Maromak Oan halo an ba ema, (Revelação) maka mai hatudu dalan nebe lo’os liu atu ita ema bele hetan no hasoru malu fali ho Na’i Maromak, liu husi mistério Moris  iha mundo hanesan ema (Incarnação), no mistério Mate no Moris hi’as fali (Morte e Ressurreição), atu kasu ema hotu husi sala (Redenção) no, ikus liu, sa’e ba lalehan (Ascensão) hodi hatodan-an iha Aman nia sorin kuana (Vida Eterna – Moris rohan laek).

Fiar katak ita ema simu Jesus ida ne’e iha ita nia moris no simu Nia hanesan Dalan, Lia Lo’os no Moris Lo’os, mesak deit, nebe lori kriatura ema fila ba Na’i Maromak hanesan hun no rohan ba buat hot-hotu. Ida ne’e maka dalan nebe’e sarani sira, hanesan Cristo nia escolanti, tuir nu’udar sira nia religião.

Maibe sarani sira nia fiar la metin bebeik ba Na’i Jesus Cristo. Iha História Kreda nian dala barak iha tempo barak sarani sira malirin iha sira nia fiar ba Na’i Jesus Cristo. Ohin loron mundo moris hela tempo ida hanesan ne’e: la nega Na’i Maromak, la nega Na’i Jesus Cristo hanesan Maromak nia Oan, maibe mundo laran malirin hela ba presença Na’i Maromak nian, liuliu laran malirin ba Cristo nu’udar Maromak Oan halo an ba ema. Ho tempo democracia no direitos humanos nian mundo dehan katak religião hot-hotu hanesan. Ne’e duni, Cristo nia mistério sira nu’udar dalan nebe Na’i Maromak usa atu mai hasoru malu ho mundo no kriatura sira la folin buat ida ba mundo ohin loron nian.

Tan ne’e Amo Papa Bento XVI hola decisão ida atu fanu mundo tomak, maibe liuliu sarani sira atu hola consciência kona ba situação geral ida ne’e, situação laran malirin (indiferença) kona ba Cristo nu’udar dalan mesak deit (ÚNICO) ba Na’i Maromak. Amo Papa declara tinan 2013 hanesan TINAN FIAR NIAN - ANO DA FÉ. Maibe, iha tinan 2012 nia laran Kreda tomak sei prepara an atu oin sa bele celebra ANO DA FÉ ida ne’e.

Diocese Baucau hatudu nia comunhão no unidade ho Kreda tomak, simu Amo Papa nia hanoin no convite ida ne’e hodi buka oin sa Diocese tomak bele prepara an atu hafo’un, hakle’an, haburas, hametin no hamanas nia fiar ba Na’i Jesus Cristo iha tempo ohin loron nian.

Pastoral katak hahalok nebe Kreda halo hodi actualiza (hamosu hikas fali ba ohin loron) Cristo nia Evangelho.

Tan ne’e Conselho Pastoral Diocesano hanoin no prepara dalan balu ho documento ida ne’e – “Ha’u Fiar!” – atu tulun sarani Diocese tomak hodi oin sa bele moris no prepara an diak liu tan ba Ano da Fé, hahu dadaun ona iha tinan ida ne’e no sei taka iha 2013.

Husu ba Amo Pároco sira, Na’i lúlik sira, Religiosos/as sira, Animadores no Líderes Comunitários, Catequistas no responsáveis pastorais sira hotu Diocese nian atu lee, estuda, reflecte no implementa ideias, sugestões no dalan balu nebe documento nee hatoo atu ita bele continua nafatin plano consciencialização no  formação Diocese nian nebe ita hahú ona iha tinan tolu nia laran liu ba hodi haboot liu tan ita hotu nia fiar.

Husu ba Nain Feto Aitara atu acompanha, tulun no husu Na’i nia bênção no graça ba Kreda tomak, ba ita nia Diocese no ba ita ida-idak, atu ita bele sai mos sasin Cristo nian iha mundo ohin loron tuir sasin nebe Apóstolo sira husik hela mai ita.

 

Baucau, 6 de Janeiro de 2012

 

D. Basílio do Nascimento
Bispo de Baucau
 

Reverendos Párocos

Na’i Lúlik Sira hotu

Comunidades Religiosas

Sarani doben tomak Diocese Baucau nian

 

Religião hot-hotu sai nu’udar dalan nebe’e ita ema hetan no tuir atu ba hasoru malu ho Na’i Maromak. Bíblia haktuir iha livro Génesis katak Na’i Maromak halo ema, feto no mane, nu’udar nia ilas no sala original maka halakon tiha condição ne’e iha ita ema nia moris. Santo Agostinho sei dehan ho nia matenek tomak “Na’i, Ita Bo’ot halo ami moris ba Ita Bo’ot no ami fuan sei la hakmatek wainhira ladauk hatu’ur an fali iha Ita Boot”.

 

Na’i Jesus Cristo, nu’udar Maromak Oan halo an ba ema, (Revelação) maka mai hatudu dalan nebe lo’os liu atu ita ema bele hetan no hasoru malu fali ho Na’i Maromak, liu husi mistério Moris  iha mundo hanesan ema (Incarnação), no mistério Mate no Moris hi’as fali (Morte e Ressurreição), atu kasu ema hotu husi sala (Redenção) no, ikus liu, sa’e ba lalehan (Ascensão) hodi hatodan-an iha Aman nia sorin kuana (Vida Eterna – Moris rohan laek).

 

Fiar katak ita ema simu Jesus ida ne’e iha ita nia moris no simu Nia hanesan Dalan, Lia Lo’os no Moris Lo’os, mesak deit, nebe lori kriatura ema fila ba Na’i Maromak hanesan hun no rohan ba buat hot-hotu. Ida ne’e maka dalan nebe’e sarani sira, hanesan Cristo nia escolanti, tuir nu’udar sira nia religião.

 

Maibe sarani sira nia fiar la metin bebeik ba Na’i Jesus Cristo. Iha História Kreda nian dala barak iha tempo barak sarani sira malirin iha sira nia fiar ba Na’i Jesus Cristo. Ohin loron mundo moris hela tempo ida hanesan ne’e: la nega Na’i Maromak, la nega Na’i Jesus Cristo hanesan Maromak nia Oan, maibe mundo laran malirin hela ba presença Na’i Maromak nian, liuliu laran malirin ba Cristo nu’udar Maromak Oan halo an ba ema. Ho tempo democracia no direitos humanos nian mundo dehan katak religião hot-hotu hanesan. Ne’e duni, Cristo nia mistério sira nu’udar dalan nebe Na’i Maromak usa atu mai hasoru malu ho mundo no kriatura sira la folin buat ida ba mundo ohin loron nian.

 

Tan ne’e Amo Papa Bento XVI hola decisão ida atu fanu mundo tomak, maibe liuliu sarani sira atu hola consciência kona ba situação geral ida ne’e, situação laran malirin (indiferença) kona ba Cristo nu’udar dalan mesak deit (ÚNICO) ba Na’i Maromak. Amo Papa declara tinan 2013 hanesan TINAN FIAR NIAN - ANO DA FÉ. Maibe, iha tinan 2012 nia laran Kreda tomak sei prepara an atu oin sa bele celebra ANO DA FÉ ida ne’e.

 

Diocese Baucau hatudu nia comunhão no unidade ho Kreda tomak, simu Amo Papa nia hanoin no convite ida ne’e hodi buka oin sa Diocese tomak bele prepara an atu hafo’un, hakle’an, haburas, hametin no hamanas nia fiar ba Na’i Jesus Cristo iha tempo ohin loron nian.

 

Pastoral katak hahalok nebe Kreda halo hodi actualiza (hamosu hikas fali ba ohin loron) Cristo nia Evangelho.

 

Tan ne’e Conselho Pastoral Diocesano hanoin no prepara dalan balu ho documento ida ne’e – “Ha’u Fiar!” – atu tulun sarani Diocese tomak hodi oin sa bele moris no prepara an diak liu tan ba Ano da Fé, hahu dadaun ona iha tinan ida ne’e no sei taka iha 2013.

 

Husu ba Amo Pároco sira, Na’i lúlik sira, Religiosos/as sira, Animadores no Líderes Comunitários, Catequistas no responsáveis pastorais sira hotu Diocese nian atu lee, estuda, reflecte no implementa ideias, sugestões no dalan balu nebe documento nee hatoo atu ita bele continua nafatin plano consciencialização no  formação Diocese nian nebe ita hahú ona iha tinan tolu nia laran liu ba hodi haboot liu tan ita hotu nia fiar.

 

Husu ba Nain Feto Aitara atu acompanha, tulun no husu Na’i nia bênção no graça ba Kreda tomak, ba ita nia Diocese no ba ita ida-idak, atu ita bele sai mos sasin Cristo nian iha mundo ohin loron tuir sasin nebe Apóstolo sira husik hela mai ita.

 

 

Baucau, 6 de Janeiro de 2012

 

D. Basílio do Nascimento

Bispo de Baucau